Serikali yatangaza kusitisha matangazo ya moja kwa moja ya shughuli za Bunge,

                                                                   

 Serikali yatangaza  Bungeni kuwa kuanzia tarehe 26 Januari 2016 TBC imesitisha kuonyesha baadhi ya matangazo ya moja kwa moja ya shughuli za Bunge, kutokana na bajeti finyu.

Baada ya tamko hilo wabunge wa upinzani walipinga na kusimama na kupelekea bunge kuhairishwa

Mheshimiwa spika,
Naomba kutoa kauli ya serikali kuhusu TBC kutangaza moja kwa moja vikao vya majadiliano ya bunge. Mheshimiwa spika, shirika la utangazaji Tanzania, TBC lilianza kurusha moja kwa moja 

matangazo ya vikao vya bunge la jamhuri ya muungano wa Tanzania mwaka 2005. Kabla ya kuanza kurusha moja kwa moja, TBC wakati huo televisheni ya taifa ilikuwa inarekodi matukio yote ya bunge na kurusha usiku katika vipindi maalumu vilivyojulikana kama bungeni leo kwa maana ya yaliyojiri ndani ya bunge kwa siku husika.

Baada ya kuanza kwa utaratibu wa kuanza kurusha matangazo moja kwa moja mwaka 2005, gharama za kufanya kazi hio zimekua zikipanda kwa kasi hadi kufikia Tshs. bilioni 4.2 kwa mwaka kwa maana ya mikutano minne ya bunge.

Shirika limekuwa likigharamia kwa sehemu kubwa matangazo hayo kwa kutumia mapato yake yanayotokana na matangazo madogo madogo ya biashara, ifahamike kuwa asilimia 75 ni vipindi vingi vinavyolenga kutoa elimu kwa umma na asilimia 25 ni burudani.

Mheshimiwa spika, kutokana na hali hii, TBC imeona ni busara kubadilisha mfumo wa utangazaji wa shughuli za bunge ili kukabiliana na kupanda kwa gharama za uendeshaji, hivyo basi, TBC imeona ni busara kuanzia mkutano huu wa bunge iwe inarusha baadhi ya matangazo ya bunge moja kwa moja yaani live ikiwa ni njia ya kubana matumizi.

Chini ya utaratibu huu, TBC itahakikisha kuwa, baadhi ya matukio ya matukio ya bunge yatarushwa moja kwa moja na mengine kurekodiwa na kuandaliwa kipindi maalum kitakachoitwa leo katika bunge. Kipindi hiki kitakua na mambo yote muhimu yaliyojiri ndani ya bunge kwa siku husika. Kipindi hichi kitakuwa kinarushwa kuanzia saa nne usiku hadi saa tano usiku.

Na mheshimiwa spika kipindi hicho kimeanza jana na tayari baadhi ya wananchi wameonyesha kuridhishwa na utaratibu huu na kuwa na kipindi maalum usiku kikishughulikia shughuli za bunge, mheshimiwa spika, uamuzi huu utapunguza gharama za uendeshaji

Yesu alizaliwa siku ya tarehe 25 disemba?

                                                                     

                 Angalia mazoea yanayoambatana na krismasi nini mti wa kijani kibichi (mti krimas) siku hizi ya plastiki, ukumbi,mapambo, pamba, mzee mwenye ndevu nyeupe na kofia yenye kishungi na mstari mweupe na suti nyekundu,taa(disco lights) maua ya plastiki,kigogo cha mti kinachoonekana kiini chake,mnyama pori mwenye pembe kama mti na tololi yana maana yeyote na kuzaliwa kwa Yesu?

Yote haya hayana uhusiano naye lakini yana mambo mengi ya kufanya kwenye matamasha ya kipangani. Lini hasa Yesu alizaliwa? Alizaliwa siku ya tarehe 25 disemba?                                 

                               

                  Ukichunguza kwa umakini maandiko, kwa vyovyote, kwa uhakika inaonyesha kuwa tarehe 25 disemba haiwezi kuwa siku ya kuzaliwa Yesu. Hizi ni sababu.

                  Kwanza tunaona kuwa  wachungaji walikuwa kondeni  wanachunga mifugo yao wakati Yesu anazaliwa (Luka 2:7-8) wachungaji hawakwenda kondeni wakati wa mwezi wa kumi na mbili (disemmba),Kulingana na sherehe katika kitabu cha"The complete book of American holydays "mwandishi anasema...
" kulingana na maelezo ya Luka inaonekana Yesu anaweza kuwa alizaliwa kiangazi au mwanzoni mwa kipindi cha mchipuko (falls) . Kwa kuwa disemba kuna baridi kali  na mvua katika Yudea ni wazi wachungaji wangetafuta hifadhi ya mifugo yao wakati  wa usiku. ( Uk. 309)

Pia the enterpreater’s One-volume commentary anasema kuwa aya hiyo

inapinga kuzaliwa ( kwa Yesu) disemba 25  kuwa hali ya hewa haikuruhusu” wachungaji kuchunga mifugo yao wakati wa usiku .

Pili wazazi wa Yesu walikwenda Bethlehem kujisajili katika sensa ya Warumi (Luka 2:1-4)sensa kama hizo hazikufanyika wakati wa baridi ambapo joto lilishuka chini ya kiwango cha kuganda  na njia zilikuwa katika hali mbaya, sensa kwenye hali ya hewa kama hiyo ilikuwa ni sawa na kujishambulia.

              Ilikuwa vigumu kuwaingiza wapangani katika ukristu ukweli muhimu unaotakiwa kuelea vizuri kichwani mwako ni kuwa kuifanya siku ya tarehe 25 Disemba ilikuwa ni makubaliano na wapagani (William Warsh. The story of Santa Klaus 1970 uk.62)

Kama Yesu hakuzaliwa tarehe 25 Disemba, biblia inaonyesha lini?

Lini alizaliwa?

                   Maandiko ya kibiblia yana onyesha wakati wa majira ya mchipuo (falls) ya mwaka kuwa ndiyo uwezekano zaidi wa Yesu kuzaliwa kipindi hicho ukiegemea kwenye hoja ya kuzaliwa kwa Yohana Mbatizaji.

Elizabeti (mama yake Yohana Mbatizaji. ) alikuwa na ujauzito wa miezi sita wakati taarifa ya Yesu ilipotolewa (Luka 1:24-36)tunaweza kukadiria  wakati wa mwaka Yesu aliozalilwa kama tunaweza kuja wakati aliozaliwa Yohana . baba yake Yohana, Zakaria alikuwa kuhani akihudumu katika hekalu la Jerusalemu wakati wa abiya (Luka 1:5)Historia inaonyesha kuwa hii ilifanyika mwezi wa sita (juni 13 -19) kwa mwaka huo.The campannion bible, 1974, appendix 179. Uk 200)

Wakati huu wa huduma ya hekalu ndipo Zakaria alipo pata habari kuwa yeye na mkewe Elizabeti watapata mwana.

(Luka 1:8-13) baada ya kumaliza zamu yake akarudi nyumbani Elizabeth akapata ujauzito (Luka 1:23-24)

Kadiria kuwa tukio la Yohana lilitokea karibu na mwishoni mwa mwezi wa sita jumlisha miezi tisa inatupeleka mwishoni mwa mwezi wa tatu ambapo ndipo uwezekano mkubwa ndipo alipozaliwa Yohana  jumlisha miezi sita (tofauti ya umri wa kati ya Yohana na Yesu (1:35-36)

Inatupeleka mpaka mwishoni mwa Septemba hapa ndipo pana uwezekano mkubwa wa kuzaliwa Yesu .                                                 

          

                    Ingawa ni vigmu kuipata kwa mara ya kwanza yeyote aliyesherehekea Disemba  kama siku ya kuzaliwa Yesu wanahistoria wanakubaliana kuwa hiyo ililkuwa wakati wa karne ya nne. Hii inashangaza ni tarehe iliyo chelewa krismas hailusherehekewa Roma, mjimkuu wa himaya ya Warumi mpaka miaka 300 baadaye, baada ya kifo cha Yesu. Haina asili katika mafundisho wala matendo ya Wakristu wa mwanzo.

Rider Seventeeny

                                                         

Rider Seventeeny

Jina Peter Paschal Joseph

Kuzaliwa Arusha

Mwanamziki

Mtindo bongo flavor

Mwaka alioanza 2004

                    Alizaliwa hospitali ya Mount Meru iliyopo mkoani Arusha na kuanza masomo katika shule ya Msingi Kaloleni baada ya  mwaka mmoja wazaszi wake wakahamia Tanga ambako ni nyumba iliko mizizi ya ukoo wake. Hapo akaanza tena darasa la kwanza katika shule ya msingi St.Martin ambayo sasa inaitwa Magila wilayani Muheza  mkoani Tanga huo ulikuwa mwaka 2000.

Hakukaa sana Tanga baba yake alipata uhamisho wa kazi na kuelekea Dar  es salaam hapo hakuwa na hiari isipokuwa kukusanya virago vyake na kumfuata baba yake, kwa mara nyingine  tena akajikuta anaanza darasa la kwanza katika shule ya msingi Vingunguti A iliyopo wilaya ya Ilala huo ulikuwa mwaka 2001.

                            

 Kama kawaida ya vipaji vyote huanza kujitokeza umri mdogo akiwa shuleni akajikuta anapenda muziki na kutamani kuwa mwanamuziki mkubwa albam ya Dully sykes uluyokkwenda kwa jina la historia ya kweli  ilikuwa na wimbo uliobeba jina la historia ya kweli. Kulikuwa na wimbo uliobeba jina la Salome huo ndio uliompagawisha Rider kwa kiwango cha kutosha kumfanya aukariri mashairi yake pamoja na nyimbo zingine ikiemo Monalisa.

Taratibu alijifunza kuimba na kufunga nyimbo pamoja na kuigiza akishirikiana na baadhi ya wanafunzi wenzake waliokuwa  na vipawa vinavyofanana.

                   Mwaka 2004 walianzisha kundi waliloliita Son cost, Rider akiwa kiongozi akishirikiana na Yasco Taller pamoja na Bang'ala wa masoko.  Kundi liliendeshwa Kiugumu ugumu mpaka mwaka 2008  wlipofanikiwa kutoa wimbo ulioitwa Acha bifu waliorekodiwa  katika studio za Pamoja Records kwa Nas B na kinanda kama solo artist. Studio zilikuwa kinondoni mkwajuni hapa walitoa nyimba mbili.

Acha bifu ulionya wasanii wanajamii kuacha mivutano isiyo na tija wala maana yoyote nyimbo  hizo hazikufanikiwa kuchezwa redioni. Mwaka 2009 ulikuwa mwaka mgumu kwa kila manakundi. Wawili wliokuwa wana soma walijikita zaidi katika  masomo na mmoja alikuwa anafanyakazi na kukosa muda wa kufanya muziki kikamilifu. Hivyo kundi likafa kifo cha kawaida.
                            

Akiwa anasoma Secondary ya Msongola hakuacha sanaa imponyoke akageukia sanaa ya maigizo na kujikita katika uchezaji wa filam. Akafanikiwa kupata nafasi katika kundi la Alwatani Theatre Group lililo kuwa na maskani yake ilala likiongozwa na Haji Dilunga.

Akishiriki katika filamu ya Bunge la wachawi namba moja, Bunge la wachawi namba mbili, Popobawa na Zindiko alipopata nafasi ya kuingiza na Ahmed Ulotu (Mzee Chilo). Bada ya kumaliza kidato cha nne akarudi kwenye muziki. Akaanzisha kundi linaloitwa La Ukoo Entertainment.

Kundi lilianza kama masihara, sasa limekuwa kubwa likIshirikisha wasanii wa fani mbalimbali toka kona tofauti tofauti, wazo lilianzaia shuke utekelezapo wake ulipoanza hakukuwa na kusimama hata baada ya kumaliza shule wanebaki na La Ukoo Entertainment kundi likiwa na wachoraji, waigizaji Graphic Designers, vinyozi, wacheza mpira wote pamja wanaitwa La Ukoo. Si kwa maana ya watu wa asili ya sehemu moja la hasha isipokuwa Ukoo katika burudani ndipo wote wanajumuika chini ya  mwamvuli mmoja La Ukoo.

Kwa sapoti ya marafiki na La Ukoo akanza ktoa T-shirt zenye nemo ya la ukoo Entertainment. Milango iko wazi na kundi linapokea yeyote mwenye kipaji cha sanaa anayependa kujiunga 2012 alifanikiwa kutoa wimbo Nimedata akiwa amemshirikisha jay maswagger kutoka kundi la republic. Millionare lililokuwa chini ya  marehemu Sharo Millionere mwongozaji akiwa Dr. Babak na Big Josh imetengenezwa katika Studio za Kany  Records chini ya producer Man Lee” hii pia haijapata kuchezwa redioni ila inapatikana youtube kwa jina   rider 17 ft.Jay Maswagger
                                 

                    kama kawaida changamoto haikosekani popote hapa zinamkabili pia Rider kwenye kazi yake ameonyesha kipaji akabuni wazo , na kulifanyIa kazi lakini ukosefu  wa pesa ni changamoto kubwa na nzito kwake, kuikabili, pia msimamizi wa kazi zake pamoja na wadhamini bado hajawapata hivyo kumuwia vigumu kurekodi na kuzifanyia promo kazi zake zichezwe katika vituo vya radio na tv ziweze kuwafikia watu  kwenda Studio kwa miguu ni changamoto nyingine inayomkabili. Pia wapo watu wanaoshindwa kuthubutu kufanyia kazi mawazo yao. Hawa wanatumia midomo na nguvu zao kumkatisha tamaa ya kutimiza ndoto zake.Hivyo  yeyote mwenye kutaka kusukuma harakati hizi kwa michango ya hali na mali na mawazo mazuri milango iko wazi na anakaribishwa.Yote kwa yote hachoki anakaza mkwiji na kusonga mbele sasa anajiandaa kurekodi wimbo mpya na kutoa video yake wapenzi na mashabiki wake watapata kazi zake kupitia mitandao ya kijamii kueni mkao wa kula.

Ethiopia Inakabiliwa na Ukame

Ethiopia inakabiliwa na ukame mbaya zaidi katika kipindi cha miaka 50, huku shirika la Save the Children likitoa wito  wa  haraka wa  msaada wa chakula.
Shirika hilo limesema msaada huo utakuwa ni suluhisho la mda tu, na viongozi wa dunia wanaokutana mjini Paris lazima wachukuea hatua juu ya  mabadiliko ya hali ya hewa.
Serikali ya Ethiopia inasema watu millioni 10 na laki moja  watakabiliwa na upungufu wa mkubwa wa chakula mwaka 2016, na  zaidi ya   nusu ya hao ni watoto.
Kadhalika kuna watoto takriban laki 4 walio katika hatari ya kukumbwa na  utapia mlo mkubwa, hali ambayo inaweza kusababisha kudumaa kwa ukuwaji na matatizo ya akili.
John Graham, mkurugenzi wa shirika la Save the Children nchini Ethiopia, amesema mzozo wa mwaka huu ni matokeo ya mabadiliko ya hali ya hewa.
Ukame mbaya unahusishwa  na mfumo wa hali ya hewa ujulikanao kama El Nino umeharibu misimu miwili mikuu ya mvua nchini humo mwaka huu na kutokana na hilo mavuno yajayo hayatarajiwi kuja hadi mwezi Juni mwakani.

Idara ya Umoja wa Mataifa ya  Chakula na Kilimo (FAO) inakadiria kuwa takriban aslimia 80 ya Waethiopia wanafanya kazi katika sekta ya kilimo, na wengi wao ni wakulima wa wadogo wadogo ambao wanategemea mvua  kwa kilimo.
Hiyo ndio sababu taifa hilo linakumbwa na mizozo ya chakula mara kwa mara na wakulima wanakosa njia na elimu ya kukabiliana na changamoto za hali ya hewa.
Shirika la Save the Children linaomba  msaada wa  takriban dola  millioni 100 kutoka kwa jumuiya ya kimataifa lakini limesema mwaka huu majibu yamekuwa  ya pole pole mno.

Rais Magufuli atangaza baraza la mawaziri Tanzania

Rais wa Tanzania John Magufuli ametangaza baraza lake jipya la mawaziri wa Jamhuri ya Muungano wa Tanzania lenye wizara 18 lakini litakuwa na mawaziri 

Katika mtiririko huo kuna baadhi ya wizara zitakuwa na waziri pekee bila ya kuwa na naibu waziri ambapo lengo kuu ni kutimiza ahadi ya kuwa na baraza dogo lenye kasi ya ufanyaji kazi  na kupunguza gharama za matumizi ya serikali yasiyo ya lazima.
Rais magufuli alisema baraza lake la mawaziri halitakuwa na semina elekezi na fedha zilizotengwa shilingi bilioni mbili kwa shughuli hiyo zitaelekezwa katika ufanyaji kazi mwingine wa kuboresha maendeleo ya wananchi kama vile madawati au kwenye utoaji wa elimu bure.
Wizara ya mambo ya njena EAC/Kimataifa
- Augustino Mahiga, Naibu Waziri - Dk. Suzan Kolimba
Wazara wa Utamaduni, Sanaa na michezo
Waziri-Nape Nnauye
Wizara ya Nishati na Madini
Waziri -Sospeter Muhongo na Naibu Waziri-Medard Kalemani
Wizara ya Sera, Bunge, Kazi, Vijana, Ajira na Walemavu
Waziri -Jenista Mhagama
Wizara ya ofisi ya Rais, Utumishi na utawala
mawaziri wawili - Simbachawene na Kairuki
Ofisi ya Makamu wa Rais/Muungano na Mazingira
Waziri - January Makamba Naibu waziri Luhaga Mpina.
Wizara ya Mambo ya Ndani
Waziri ni Charles Kitwanga
Wizara ya Ardhi, Nyumba na Makazi
Waziri wake ni Wiliam Lukuvi Naibu Angelina Mabula.
Wizara ya Ulinzi na Jeshi la Kujenga Taifa
Waziri - Husein Mwinyi
Wizara ya Katiba na Sheria
Waziri - Harrison Mwakyembe
Wizara ya Ofisi ya Makamu wa Rais, Muungano na Mazingira
Waziri - January Makamba
Wizara ya kilimo, mifugo na uvuvi
Waziri- Mwigulu Nchemba Naibu Waziri- William Tate Ole Nashon
Wizara ya Viwanda, Biashara na Uwekezaji
Waziri - Charles Mwijage
Wizara ya Afya, Maendeleo ya Jamii, Jinsia, Wazee na Watoto
Waziri - Ummy Mwalimu Naibu - Dk Hamis kigwangalla
Wizara ya Sayansi, Teknolojia, Elimu na Ufundi
Waziri - bado hajapatikana - Naibu Waziri -Stela manyanya
Wizara ya Maliasili na Utalii
Waziri - bado hajapatikana na Naibu Waziri - Injinia Ramo Makani
Waziri wa Fedha na Mipango
Waziri - bado hajapatikana, Naibu Waziri - Dk. Ashantu Kijachi
Wizara ya Ujenzi, Uchukuzi na Mawasiliano
Waziri - bado hajapatikana, Naibu Waziri -Edwin Ngonyani

Alvin “ Secco “ Patterson

Alvin Patterson

Alvin “ Secco “ Patterson

Jina kamili Fransisco Willie

Pia anajulllukana kama

 Alvin “ Secco “ Patterson,Secco Pep ,Willie Pep

Alizaliwa (1930-12-30)

Asili – Kingston Jamaica

Mtindo – Reggae

Mpigaji wa percurssion

Vyombo anavyopiga –percussion /bongo drum , conga, tambourine, cowbell, nk.

Mwaka aliofanya kazi 1969 mpaka sasa

Alioshirikiana nao

Bob Marley & The Wailers,The Wailers

Alvin “ Secco “ Patterson

             Alizaliwa tarehe 30 Desemba 1930, Havana (Cuba) ni mpiga percussion alikuwa mwanakundi wa The Wailers band

Alvin  alikuwa ni mpiga percussion katika Bob Marley and The Wailers na ni mmoja kati ya marafiki wa karibu sana wa Bob Marley. Ingawa anajulikana kama “Secco”alizaliwa akaitwa Fransisco Willie, Havana Cuba na baba mwenye asili ya Jamaica na mama Mpanama akiitwa Cellestina Hardin. Alichagua jina la Alvin Patterson kama jina la kisanaa na alipata jina la “Secco” kama kifupisho cha jina lake la Fransisco alihamia Jamaica na wazazi wake waliishi Westmorland, ambako wazazi wake walikuwa wanajishughulisha na kilimo baadaye akahamia Kingston na mama yake baada ya wazazi wake kuachana, kama kijana Patterson alitafuta kazi katika mgodi wa madini ya bauxite

              Mwaka 1957 Patterson aliamua kuhamia Marekani kutafuta kazi yenye kipato zaidi. Akiwa katika safari yake ajali mbaya ilitokea ya treni ilitokea 1^st September.   Mara moja Patterson alirudi kisiwani kuwatafuta ndugu zake aliohofia wanaweza kuwemo kati ya watu 200 waliofariki au 700 waliojeruhiwa. Na wazo lake la kuondoka likafutika ma akarudi jumla Kingston katika mgodi wa bauxite.

              Ilikuwa kipindi hiki ndipo Patterson kwa mara ya kwanza alipo kutana na Bob Marley  akiwa na miaka kumi na tano, mdogo kwa Patterson tofauti ya miaka kumi na tano na waliishi wote  eneo moja katika makazi  duni ya  watu masikini Trech town. Marley alimwona Patterson sababu ya umaarufu wake wa mchezo wa cricket, alikuwa na uwezo mkubwa wa kuucheza na akaanza kumfuatilia Patterson mara kwa mara, akitafuta ujuzi wa criket na pia akivutiwa na muonekano wa Alvin Patterson

Wakazama katika urafiki na Marley na wakabaki hivyo mpaka mwisho wa maisha ya Marley. Patterson alimtia moyo Marley  wakati anaanza kujaribu kuimba muziki,akiwa Patterson mwenyewe alipata uzoefu katika muziki wa kupiga percussion kwa mwanamuziki maarufu wa Calypso akiitwa Lord Flea na wapiaji wengine  namna ya kupiga combo za kikalypso. Na alikuwa ni Patterson kwanza aliyelichukua kundi la The Wailers. Likiwahusisha Marley, pamoja na Peter Tosh na Bunny Wailer kulipeleka studio za Coxsson  dodd kwa mara yao ya kwanza july 1963.  Makubaliano yalifikiwa na The Wailers  wakatoa muziki uliotikisa “simmer down” wimbo uliomtambulisha Marley

                    Wakati wailers ikijitanua katika muziki Jamaica,Patterson aliendelea kifanyakazi katika mgodi wa bauxite, mwaka 1966 wakati Marley akifanyakazi Marekani, Patterson alijeruhiwa katika ajali iliyotokea katika mgodi, wakati bomba la gasi iliyopita chini ya sakafu ya canteen ilipopasuka, ikasababisha mlipuko ulioacha wafanyakazi wengi kujeruhiwa vibaya. Patterson alitupwa nje ya jengo na akapoteza viatu katika tukio hilo wakati  Marley aliporudi kisiwani wiki kadhaa baadaye , alimshawishi Patterson  kuachana na kazi ya mgodini na aanze kujikita katika muziki matokeo yake Patterson akaanza kuchangia percussion katika nyimbo zilizofuata za The Wailers mchango wake wa kwanza unaojuikana ulikuwa juni 1967walipotoa “ lyrical satirycal” na this train” ziliachiwa na the wailers zikihusisha wail n soul M label. Wakati ushiriki wa Patterson katika Original Wailers (ikiwahusisha Tosh na Bunny) ulikuwa mdogo, lakini mchango wake ulizidi kuongezrka. Wakati Original Wailers walipokwenda  ziara yao ya kwanza (pekee)uingereza  mwaka 1973. Patterson alishiriki kama mtu wa kipekee kwenye ubunifu wa kiasili(root)

                   Wakati ushirikiano wa Marley, Tosh na Bunny ulipoisha Paterson akawa kiini cha kuihuisha bendi upya kwa maelezo ya Marley na akashiriki kila rekodi na  maonesho yote ya jukwaani ambayo Marley alifanya kwa maisha yake yote, Patterson akazama katika muziki na rekodi walizofanya  akibuni na kufanya muziki   uonekane wa kiasili.

Chupa ya maziwa katika “jamming” na muitikio wake sauti ya percussion katika “crazy baldhead” ni miongoni mwa mifano bora kabisa ya mitindo yake ya kufanya. Kitu rahisi kwa ubora wa juu. Ingawa hakutajwa Patterson anaaminika aliandika baadhi ya nyimbo za marley ukijumlisha na “work”.

                     

Wakati wote wa maisha ya marlley Patterson alikuwa karibu yake. Mwaka 1976,Patterson alikuwa anafanya mazoezi na Marley akiwa barabara ya 56 Hope (road) ambapo mtu mwenye bunduki alimjeruhi Marley, pia walikuwepo mkewe Marley na meneja Don Taylor. Septemba 1980 Patterson alikuwa na Marley wakati alipopatwa shambulio la ugonjwa  wakati anafanya mazoezi ya mbio (jigging) centra park na akabaki na Marley wakati  wote wa matibabu yake ya kansa new York, marekani mpaka katika kliniki ya Dr Josef  Issels.

Rottach-Egern, Ujerumani.

Kufuatia kifo cha Marley, Patterson aliendelea music na The Wailers band . mwaka 1990 Patterson alipata shambulio la ubongo, (haemorrhage) akiwa ziarani Brazil shambulio lililokaribia kupoteza maisha yake alipopata nafuu akaachana na muziki wa jukwaani isipokuwa anaonekana tu katika matamasha mbalimbali yanayomuhusisha Marley . Patterson sasa anaishi kingston.

Papa Francis abariki kwa Kiswahili baada ya kutua Kenya.

Papa Francis

     

Papa Francis akiwa na mwenyeji wake Rais Uhuru Kenyatta

     
Nairobi, Kenya
                          KIONGOZI wa Kanisa la Katoliki Duniani, Papa Francis, amewasili nchini Kenya juzi jioni huku akitoa baraka kwa nchi hiyo kwa lugha ya Kiswahili.
Baada ya hotuba yake, Papa Francis, alimaliza kwa kusema “Mungu Ibariki Kenya” jambo lililowafanya watu waliokuwa katika ukumbi wa Ikulu ya Nairobi kulipuka kwa furaha.
Katika ziara yake hiyo ya ya siku tatu nchini Kenya, alipokewa na mwenyeji wake Rais Uhuru Kenyatta, ambapo moja ya mambo ya kukumbukwa ni ujumbe alioutoa kwa Kiswahili akilibariki taifa hilo baada ya kulihutubia taifa Ikulu jijini Nairobi.
Pamoja na mambo mengine, alisisitiza umuhimu wa amani, maridhiano, kusameheana na uponyaji katika taifa hilo lililogawanyika kwa misingi ya ukabila.
                     Baada ya mazungumzo yao Ikulu, Rais Kenyatta akagusia kwamba jana ni siku ya maombi ya taifa la Kenya na baadaye akamkaribisha Papa Francis kulihutubia taifa.
Papa alianza kutoa hotuba akishukuru kwa makaribisho mema kwenye ziara yake ya kwanza Afrika.
Kuhusu matarajio ya ziara yake, Papa alisema Kenya ina vijana wengi, na hivyo katika siku zake za kuwa humo anasubiri kwa hamu kubwa kukutana na kuzungumza nao na kuwapa matumaini katika ndoto zao za siku za usoni.
Aidha alisema Kenya ni taifa changa, linalokua na lenye jamii mseto na ambalo limekuwa likitekeleza jukumu muhimu katika kanda hii na kupitia changamoto nyingi katika uundaji wa demokrasia kama ilivyo kwa mataifa mengi Afrika.
Akihimiza amani na maridhiano Papa Francis alisema: “Jamii zetu zinapoendelea kukumbwa na migawanyiko ya kikabila, kidini au kiuchumi, binadamu wote wenye nia njema huitwa kufanyia kazi maridhiano, msamaha na uponyaji.
“Yote ni katika juhudi za kuunda mfumo wa demokrasia, kuimarisha utangamano na uwiano, kuvumiliana na kuheshimiana, lengo kutenda mema linapaswa kuwa kipaumbele kikuu.”
Aidha alisema kwamba historia inaonyesha kuwa ghasia, mizozo na ugaidi huchochewa na kuogopana na kutoaminiana ambako husababishwa na umaskini na kupoteza matumaini.
“Vita dhidi ya maadui wa amani na ustawi vinapaswa kuendeshwa na wanaume na wanawake wanaoamini katika kushadadia, maadili makuu ya kidini na kisiasa ambayo yalisababisha kuasisiwa kwa taifa,” alisema.
Akizungumzia umuhimu wa utunzaji wa mazingira, Papa Francis alisema: “Kenya imebarikiwa si tu na umaridadi, katika milima, mito na maziwa, misitu, nyika na maeneo kame, bali pia katika utajiri wa maliasili.
                “Wakenya wamethamini zawadi hizi kutoka kwa Mungu na wanajulikana kwa utamaduni wao wa kuhifadhi mazingira. Mgogoro wa kimazingira unaoikumba dunia kwa sasa unahitaji kutambua zaidi uhusiano kati ya binadamu na maumbile.”
Alihimiza taifa kuwajali masikini, ndoto za vijana, na kugawana vyema maliasili na nguvu kazi ambazo Mungu ameibariki Kenya na ameahidi kuendelea kwa juhudi za Kanisa Katoliki, kupitia kazi zake za elimu na kusaidia jamii, kutoa mchango katika hilo.
Akimalizia hotuba yake kabla ya kuondoka katika ukumbi wa Ikulu, baada ya kusalimiana na baadhi ya wageni waalikwa alisema: “Nawashukuru tena kwa kunikaribisha vyema, na kwenu na familia zenu, na watu wote wa Kenya, ziwe baraka tele za Mwenyezi Mungu.” Kisha akamalizia kwa Kiswahili akisema: “Mungu Ibariki Kenya”.
Baada ya hotuba hiyo, Papa alikaribishwa katika dhifa ya kitaifa iliyofanyika katika hema kubwa la mviringo eneo la Milimani, Nairobi, ambako ni makazi ya rais na ofisi yake.
                Awali ndege iliyombeba Papa ya Shirika la Ndege la Italia, Alitalia, ilitua kwenye Uwanja wa Ndege wa Kimataifa wa Jomo Kenyatta (JKIA) saa 10. 33 jioni.
Viongozi wa Kanisa la Katoliki nchini humo, wanasiasa na mabalozi wakiongozwa na Rais Kenyatta walionekana wamejiandaa kumlaki.
Waandishi wa habari walioambatana na Papa walitangulia dakika 17 baadaye, kabla ya yeye mwenyewe kuchomoza kutoka katika ndege hiyo dakika mbili zilizofuata.
Papa alilakiwa kwa shangwe na nderemo huku kwaya ya kumkaribisha ikitumbuiza, na alianza kusalimiana na Rais Kenyatta kabla ya kutembezwa kutambulishwa na kushuhudia vikundi mbalimbali vya utamaduni.
Kwa mujibu wa Idara ya Habari ya Serikali ya Kenya, Papa Francis akiwa JKIA aliandika maneno haya: “Na maombi na shukrani kwa kuwatunza wasafiri.”
Papa baada ya kupokewa kwa heshima zote za kitaifa uwanjani hapo, msafara ulianza kuelekea Ikulu ya Nairobi ukipita mitaani, ambako maelfu ya Wakenya walijipanga pembeni mwa barabara kumsalimia, huku wengine wakipeperusha bendera na mabango ya kumkaribisha yakiwamo yenye picha yake.
           

                Alipokewa Ikulu na Rais Kenyatta, ambako wimbo wa taifa ulipigwa kabla ya mizinga 21 kupigwa kwa heshima yake kama mkuu wa taifa la Vatican.
Baadaye Papa Francis alikagua gwaride la heshima kabla ya kwenda kuonana na Rais Kenyatta na baadhi ya wageni waalikwa na baadaye kulihutubuia taifa akiwa Ikulu
Rais Kenyatta pia alimtambulisha Papa kwa wajumbe wa baraza lake la mawaziri akiwamo naibu wake William Ruto kabla ya dhifa ya kitaifa aliyomwandalia.
Kabla ya mazungumzo Ikulu, Papa Francis, ambaye anajulikana kwa uhimizaji, utunzaji wa mazingira, pia alipanda mti akisaidiwa na Rais Kenyatta.
Mbele ya hema kulikuwa na kiti ambacho Papa alikaa pembeni ya Rais Kenyatta.
Wakati Papa akitarajia kukutana na watu wa kawaida wakati wa ziara yake Kangemi kesho na kukutana na vijana huko Kasarani, mkutano wake wa kwanza ulikuwa jana na tabaka la watawala na vigogo wa Kenya.
                   Marais wastaafu Daniel arap Moi na Mwai Kibaki, Naibu Rais William Ruto na Mke wa Rais, Margaret Kenyatta walikuwapo viti vya mbele wakati wa dhifa ya taifa wakiwa mkabala na Papa na Rais Kenyatta.                      
Pembeni yao walikuwepo maspika Justin Muturi na Ekwee Ethuro na wake zao. Wengine katika mstari wa mbele walikuwepo Jaji Mkuu Willy Mutunga, Waziri wa Mambo ya Ndani Joseph Nkaissery, Makamu wa Rais wa zamani Moody Awoli
Wengine ni Musalia Mudavadi, Kiongozi wa Wachache katika Seneti Moses Wetang’ula, viongozi wa muungano wa Cord, Kalonzo Musyoka na Raila Odinga na mkewe Ida pia walitarajia kuhudhuria dhifa hiyo.
                            Majaji wa mahakama ya juu, wabunge, majaji na wengineo pia walitarajia kuwapo jana usiku.
Papa leo asubuhi anatarajia kuongoza ibada itakayohudhuriwa na watu milioni 1.4 kwenye viwanja vya Chuo Kikuu cha Nairobi.
Awali kutokana na shauku ya kuwasili kwake nchini Kenya, mapema jana Papa Francis alirusha ujumbe wa baraka kwa Wakenya kwenye mtandao wa jamii.
                        Katika ujumbe wake alioutuma kwenye ukurasa wake wa Twitter, @Pontifex the Papa aliandika kwa Kiswahili na Kiingereza maneno: “Mungu Ibariki Kenya!”
Aliutuma ujumbe huo jana mchana wakati akiwa safarini kutoka Rome, Italia kuelekea Nairobi.
Papa pia atazuru Uganda na Jamhuri ya Afrika ya Kati (CAR) ambayo imekumbwa na machafuko baina ya Wakristo na Waislamu.
“Naenda nikiwa na furaha ya kuonana na Wakenya, Waganda na ndugu zetu katika Afrika ya Kati,” aliwaambia waandishi wa habari katika ndege yake.
Pia alipuuza wasiwasi wa usalama wake kwa kutania: “Ninaogopa zaidi mbu kuliko vita.”
Nairobi, linakuwa jiji la kwanza la Afrika, ambalo Papa huyo mwenye umri wa miaka 78 ametua tangu akabidhiwe uongozi wa kanisa miaka miwili iliyopita.
Anaitumia ziara yake ya 11 nje ya makao makuu ya kanisa hilo, Vatican kutoa jumla ya hotuba 19 kuhusu amani, haki za kijamii, utunzaji wa mazingira na majadiliano ya imani tofauti nchini Kenya, Uganda na CAR.
                           Wakati huo huo, muungano wa watu wasiotambua uwepo wa Mungu, umewasilisha malalamiko yao mahakamani kupinga hatua ya Serikali ya Kenya kuitangaza Alhamisi  kuwa siku ya mapumziko ya taifa.
Kwa mujibu wa mwenyekiti wa muungano huo, Harrison Mumia, wanaitaka mahakama itupilie mbali tangazo lililochapishwa katika gazeti la Serikali kuwa Alhamisi itakuwa siku ya mapumziko.
Juzi Rais Uhuru Kenyatta aliweka bayana kuwa Novemba 26 (jana) iwe mapumziko ya taifa kwa kuomba na kumwabudu Mungu wakati wa ziara ya Papa.